Partido Democraat ta bek i bolbe duna muestra di su kara soshal di tur tempu. Meskos ku den pasado, awe Democraat so por prueba e kustumber di kumpli ku hustisia soshal i desaroyo ekonómiko. Pues, esun ku a bai fo'i Democraat, ta bolbe vota Democraat.

E vishon di DP: Un Direkshon Nobo
 
E sinku propositonan di DP:
 
1.      Invertí mihó: Ta invertí den desaroyo di nos ekonomia, ku énfasis riba turismo, offshore, agrikultura, peska i energia. Ta invertí di tal forma ku ta habri mas kupo di trabou i duna sosten na mikro empresa. Ta drecha posishon di tur trahadó dor di introdusí un seguro médiko general i un areglo di penshun general.
 
2.      Repartí mihó: Pa e suidadano ku ménos rekurso, sueldo mínimo, penshun di behes òf ònderstant, ta redusí e kosto di bida drástikamente. Esaki dor di kontrolá e preisnan di promé nesesidatnan. Ta subi penshun di behes i ònderstant di tal forma ku e suidadano por kubri su promé nesesidatnan.
 
3.      Forma mihó: Ta krea fasilidatnan di deporte, arte i músika den tur bario. Ta duna pueblo su Sentronan di Bario bek na fabor di edukashon formativo i rekreashon. Ta habri Sentro Pro Arte i Kas di Hubentut San Fernando bek atrobe. Ta mara ònderstant na kursonan edukativo i formativo.
 
4.      Kuida mihó: Ta amplia e kantidat di spesialista pa yuda kombatí problema ku bista (glaucoom), suku, sobre peso (obesitas) i malesa di nir. E suidadano mester haña su trato médiko sin mas tardansa. Nos grandinan, mucha i hóben ta bira punto di enfoke.
 
5.      Manehá mihó:Ta sentralisá servisionan públiko i ta hasi nan fásilmente aksesibel pa tur suidadano. Ta introdusí norma pa gastamentu di plaka di pueblo i pa prestashon. Ta garantisá disiplina finansiero.


Esei ta Democraat !